Endlich wieder mal ein Herbstreisli in die Hauptstadt des Karneval- Wahnsinn. Jetzt mit Reisebericht!! 

Fotos

Vier fasnachtsgeili Sieche sind am Samstigmorge (10.11.2012) pünktlich z’Gossau bim Bahnhof gstande.. No de föfti Blaari het wieder emol vertschlofe. Uf di letscht Minute, dank emene super schnelle Sportauto, isch er no in Zug iegstolperet. Mit em Zug hemmer üsi Reis uf Zöri gstartet. Det isch am 07.11 Uhr denn au scho de de Flüger richtig Kölleee gfloge.

Tag 1

Es isch en dorschtige und holprige Flug gsi… wommer z Köln acho sind, hemmer üs als erschts im Brauhuus Früh „a lecker schmecker Köölsch“ gönnt und üs mit enere Portion Wienerschnitzel und Pommes verpflegt. Chorz drufabe simmer scho wieder wiiter is Peters Brauhaus wommer 1, 2, 3,… Kölsch gsoffe hend. Noch dem mehrstündige Ufenthalt und unzählige Kölsch im Peters hemmer scho wieder Hunger gha. Gstärcht simmer denn innere Cocktail Bar verhocket. Die junge Blaaris sind nochene no wiiter is Wiener Steffi.

 

Tag 2

Nochemene erholsame Schloff und usgwogenem Zmorge isches endlich so wiit gsii.. 11.11.2012 mer chömmed! Chorz nochedem mer ide Innestadt acho sind, het d’Polizei au scho alles abgsperrt. Am Punkt 11.11 het di ganz Mengi tobet und bi huffe Alkohol d’Fasnacht igstimmt. Es isch e choge geils Fescht gsi. D’Lüüt und au mer sind voll abgange. Schowieder hemmer e Hüngerli gha und en choge Dorscht. Mer sind zum Italiener go raschte. För di alte Blaaris isch das anschinend scho gnueg oder sogär z viel gsi.Drum sinds nochene bim Italiener blebe. Wies z’erwarte gsi isch, isch de Blaari-Präsi vorem Italiener dörepimplet. Er isch mit sinere Chatz auno zu üs gstosse. Mer Junge sind nochene wieder ellei uf d Pischte. Dank enere Tarnbanane wo alles möglichi sprüzt hemmer wie chlini Chind e riise Gaudi gha. Geg de Obet simmer wieder zämme cho und chli dör Gasse gschlenderet. Die alte Blaaris hend nochem Peters Brauhaus de Obet gmüetlich im Lüchttürmli usklinge loh. Die Junge hend wiederemol nüt bessers gwüsst und sind wiiter dor d Gasse gschlenderet und hends luschige gha.

 

Tag 3

Am Mäntig morge simmer sehr streng ufgstande und hend üses Köfferli packt. Noch emene super luschtige Wocheend simmer gern wieder heigange 🙂

De Siibäschlöffer

 

 

Noch kein Kommentar, Füge deine Stimme unten hinzu!


Kommentar hinzufügen

Deine E-Mail-Adresse wird nicht veröffentlicht.